Ence puxo en marcha a III Convocatoria do seu Plan Social para Pontevedra 2019, cuxo prazo de presentación de solicitudes estará aberto do 1 ao 31 de outubro. Este plan ao que a empresa destinará tres millóns de euros, é unha das iniciativas sociais de maior envergadura levada a cabo por unha empresa privada en España.
Despois da gran acollida que tivo o plan nas súas dúas primeiras edicións, nas que participaron un total de 812 proxectos, a compañía confía no éxito desta nova convocatoria e en poder seguir contribuíndo activamente á mellora da calidade de vida dos seus veciños e ao crecemento económico da comarca.
Poderán ser beneficiarios das axudas as persoas físicas ou xurídicas cuxos proxectos se desenvolvan na contorna da biofábrica de Ence: Pontevedra, Poio e Marín. Excepcionalmente, poderán apoiarse proxectos noutras zonas, sempre e cando estean relacionados con actividades forestais e de coidado da contorna.
Cada solicitante deberá seleccionar unha área de actuación segundo as características do proxecto. Os orzamentos adxudicados a cada unha das áreas na convocatoria de 2019 son os seguintes:
| Área de actuación | Importe
máximo |
| 1. Apoio e axudas á educación e cultura | 300.000 € |
| 2. Impulso ao emprendemento e a innovación | 600.000 € |
| 3. Recuperación e coidado da contorna | 400.000 € |
| 4. Apoio ao deporte de base | 900.000 € |
| 5. Loita contra a exclusión social | 530.000 € |
| 6. Axudas veciñais diversas | 200.000 € |
| 7. Dixitalización do proceso de solicitude e adxudicación de axudas | 20.000€ |
| 8. Administración, xestión e comunicación | 50.000 € |
| TOTAL | 3.000.000 € |
Na 3ª edición do Plan Social, as solicitudes de axuda presentaranse na páxina web www.plansocialence.es, onde tamén se poderán consultar as bases desta convocatoria e toda a información das anteriores. Ademais, a empresa ten habilitada unha conta de correo plansocialpontevedra@ence.es onde se pode realizar calquera consulta relacionada co Plan.
En 2018 beneficiáronse do Plan Social 296 proxectos cos que se Ence contribuíu activamente á mellora da calidade de vida de Pontevedra, Poio e Marín, e que se enmarca no compromiso da compañía coa responsabilidade social e o benestar social dos seus veciños.