O alcalde de Pontevedra, Miguel Anxo Fernández Lores, fixo unhas declaracións para o diario ABC nas que se dá información errónea sobre Ence que a compañía considera necesario aclarar.
En primeiro lugar, o Sr. Lores mostra escaso interese polos empregos de Ence-Pontevedra, que cuantifica entre 175 e 300, cando o número de traballadores directos elévase a 400. Unha cifra á que hai que engadir 2.700 empregos de contratistas industriais, loxísticos e do transporte. Súmanse, ademais, preto de 2.100 traballadores do sector forestal en Galicia que, evidentemente, ao Sr. Lores parécenlle demasiado afastados como para que lle merezan unha mínima preocupación. Estas son as cifras reais: máis de 5.000 familias cuxo futuro depende da actividade da biofábrica de Lourizán.
Estes datos proceden dun estudo realizado pola consultora KPMG -una das de maior prestixio do mundo-, en 2013. Trátase dunha información rigorosa e a transparente. E, probablemente, a día de hoxe estas cifras aumentaron, dado o crecemento na actividade de Ence en Pontevedra.
Ence nega rotundamente que sexan certas as alusións a compras de vontades por parte de ningunha persoa da compañía. Moi ao contrario, desde o cambio no accionariado de Ence en 2006, a empresa centrouse en lograr a excelencia ambiental da súa planta. A compañía traballou –con éxito- para converterse nunha empresa punteira e responsable tanto desde o punto de vista ambiental como desde o social, de tal modo que a sustentabilidade é hoxe un vector fundamental e transversal na xestión e a operación de Ence.
O Sr. Lores tamén se pronuncia acerca da suposta necesidade de que a planta de Ence trasládese “a un polígono industrial”. Unha posibilidade que, como se demostrou a partir de diversos estudos independentes non existe debido a que non hai ningún outro emprazamento en Galicia que reúna todos os requisitos e as condicións que precisa unha biofábrica como a de Ence en Lourizán.
O alcalde pontevedrés non debería conducir a erro aos lectores e votantes ao evocar un pasado de praias e espazos naturais na área na que se sitúa a biofábrica. En efecto, no hipotético caso de que Ence-Pontevedra cesase a súa actividade, sempre quedaría unha autoestrada que impediría a existencia dunha praia no lugar. É preciso non utilizar argumentos non realistas cando o que está en xogo é o medio de vida de miles de familias e o futuro industrial dunha rexión.
Desde a compañía ofreceuse ao alcalde en diversas ocasións coñecer a realidade da biofábrica, facilitándolle todas as cifras e convidándolle a visitala; algo ao que se negou sistematicamente. A oferta segue en pé para que poida referirse a Ence-Pontevedra co adecuado coñecemento que a envergadura e importancia do debate require.